Mia mäiz ma no saiba.

S’mäizn kead zum braun. Dasaim ham de Brauerein imma a Mäizerei dabei g’habt und ham ihr eignes Moiz gmachd. Des is bei uns heid no so weil a guads Bia brauchd a guads Moiz.

Mia machan in unsana Mäizerei genau des Moiz wos ma füa a guads Bier brauchan. Mia san oane da letzdn Brauerein in Deitschland, de ihr eigans Moiz herstäin.

Darüba hinaus beliefan mia aa andere Brauerein mid qualitativ houchwertigem Braumoiz. Üba des Vatraun, des ma uns do entgeng bringt, san ma b‘sonders stoiz.

Unsa Braugerschdn von de obaboarischn Gerschdnbauern spuid beim mäizn a ganz entscheidnde Roin. De Bauern liefern bei uns jeds Joahr direkt a da Brauerei eine Schbidznqualität oo. So wiss ma ganz gwiss, dass nur hoamische Braugerschdn in unsa Bier neikimmd.

Moizherstäiung

Unsa Maiza, da Herrmann, suacht se des beste Droad aussa und duad de Kearndl de nix daung und ah die Strohrestl aussa glaum. Danoch muass des Droad erstmoi liegn bleim = Keimruhe, des is de Zeit wos no ned keima ko, und wardn muass bis de Prozedur vorbei is.

1. S’Eiwoacha

Beim woacha im Woachhaus werd des Droad in große Bottiche solang owe dauchd bis aufgwoachd is.

2. S’Keima

Des eigwoachde Droad keimt in de Keimkäsdn sechs Dog lang. In dera Zeit griagt des Kerndl Sproßn und es entstengan Enzyme de ma schbäda für den Bierbrauprozess braucht. De Umwandlung da Stärke in Moizzucker werd ei‘geleit. Jetzt red da Herrmann vo Greamoiz.

3. S’Darren

s’keimte Greamoiz werd langsam drigged und so entstengan Farb- und Aromastoffe im Kearndl. Je noch Moiztyp werd bei ana Temperatur vo 85 – 105 Grod gröst. Vo Zeid zu Zeid ziagd a moizige Duftwoikn üba des Brauereigelände und ma konn den Darrprozess riacha.

Duach vaschiedene Mäizungsvafahrn konn a Vuizoi vaschiedana Braumoize hergstäid wern, wos nacha unterschiedliche Biersoadn möglich macht.

Unsane Moizsoadn

Pilsna Moizz

Des wäidweid am meisdn heagnommane Basismoiz, des nua aus Gerschd‘n hergestäit werd. In andane Länder sogt ma aa oft Lagamoiz (zum Braun vo Lagabieren) oda hells Moiz (Pale Malt). Es is b‘sonders hell und konn ois Basis fia olle Biersoadn vawendt wern (dunkle Biere wern zum Teil grod duach Farbmoiz ei‘gfärbt). Es werd bei etwa 80 Grod gedarrt und hod a Farbstärkn vo 2 – 3 EBC. Zua Herstäiung vo Pilsna, Hellem und andern helln Biern is unvazichtbar.


Münchna Moiz

Gerstenmoiz, des hod a no stärkere Farbdiafe ois Pilsana und Weana Moiz und wird bei etwa 100 Grod ‘darrt. Es is de Haubtzutad fia moizige, dunklere Biere und werd in vaschiedane Farbstärkn (zwischn 15 und 70 EBC) g‘liefert. Nebn da dunklern Farb hod dess Moiz meist aa a ausgeprägts moizaromadischs Aroma, weshoib’s beim Braun ned grod zua Färbung, sondern aa zua Intensivierung vom Gschmack ei‘gsetzt werd.