Historie

Unsa Dradition hoasst Qualität

De Briada Grimm hädn’s ned bessa dichdn kinna:
Es war amoi a junga Mülla. Dea hod vom Voda seina Muih geh miassn, weil de seim aidan Bruada zua‘gstandn is. Do hod a se denkt, do mach i a Landhandelgeschäft fia Droad und Fuadamiddl auf. Irgendwann hod a am Bierbraua bei da Arbad zua‘gschaud und se denkt: des konn i aa! Ea hod seim Herzn an Stoß gem, am Braua de Sudpfanna ob‘kafft und 1934 zum Bier siedn o`gfanga.

Der june Mo wa da Ludwig Schweiger, der 1896 ois zwoata Bua in da Hanslmuih in Markt Schwom zua Wäid kemma is. De Sudpfanne hod a am Wimma-Bräu in Oidenerding obkafft.

Da Ludwig Schweiger hod schon lang, bevor andane Brauerein nochzong ham, in Haus und Hof gliefad. De Bauern ham do gern a Bier kaffd, wos eana Soodguad und Futtermiddl griagt ham.

Ois oane da letzdn Brauerein betreibn mia a eigene Mäizerei. 1963 ham mia aufgmacht und andane ham ihr Mäizerei zuagmacht.

Wos der junge Ludwig Schweiger domois hochzong hod, dad ma heid ois Croftbier-Brauerei bezeichnen.

So is de Privatbrauerei Schweiger scho oiwei ihrn eignan Weg ganga. Und den woin de heitign Firmeninhaber in inzwischn dritta und viata Generation, Erich, Ludwig und Siegfried Schweiger, aa weidavafoing.